បន្ទាប់ពីការប្រណាំងទូកអស់រយៈពេល ២ថ្ងៃ ខេត្តកំពតបានរកឃើញទូកជ័យលាភីចំនួន ៥ ទូក ដែលបានជាប់ចំណាត់ថ្នាក់ ក្នុងពិធីប្រណាំងទូកង ខ្នាតប្រពៃណី ក្នុងព្រះរាជពិធីបុណ្យអុំទូកនៅខេត្តកំពត ឆ្នាំ២០២៣។

ក្នុងនោះ ទូកដែលបានជាប់ចំណាត់ថ្នាក់រួមមាន៖

1. ចំណាត់ថ្នាក់លេខ១ បានទៅលើទូកដែលមានឈ្មោះថា នារីសែនជ័យបារមីយាយម៉ៅ

2. ចំណាត់ថ្នាក់លេខ២ បានទៅលើទូកដែលមានឈ្មោះថា ដែនដីបព្វតាមហានាគសែនជ័យ

3. ចំណាត់ថ្នាក់លេខ៣ បានទៅលើទូកដែលមានឈ្មោះថា ពិជ័យវង្សា

4. ចំណាត់ថ្នាក់លេខ៤ បានទៅលើទូកដែលមានឈ្មោះថា នទីមង្គលកម្ពុជរតនមានជ័យ

5. ចំណាត់ថ្នាក់លេខ៥ បានទៅលើទូកដែលមានឈ្មោះថា កំពតសែនជ័យបារមីលោកតាទីង

គួរបញ្ជាក់ដែរថា ពិធីប្រណាំងទូកងនៅខេត្តកំពត បានប្រព្រឹត្តទៅយ៉ាងរលូន ដោយមានទូកចូលរួមប្រកួតសរុប ៣២ទូក និងកីឡាករសរុបចំនួន ៨២២នាក់ ព្រមទាំងមានបងប្អូនសាធារណៈជនចូលរួមទស្សនាយ៉ាងច្រើនកុះករនៅតាមបណ្តោយដងព្រែកកំពត។