បន្ទាប់ពីការប្រកួតកីឡាទូកកាយ៉ាកកាលពីឆ្នាំមុន Amber Kampot នឹងរៀបចំព្រឹត្តិការណ៍ការប្រណាំងទូកកាយ៉ាកជាថ្មីម្តងទៀតប្រចាំឆ្នាំ២០២៤។​ ព្រឹត្តិការណ៍នេះធ្វើឡើងក្នុងគោលបំណងលើកស្ទួយវិស័យកីឡាដើម្បីសុខភាព មិត្តភាព និងផ្សព្វផ្សាយពីគោលដៅកីឡាទេសចរណ៍ដ៏មានសក្តានុពលនៅតាមដងព្រែកកំពង់បាយក្នុងខេត្តកំពត។

សូមបញ្ជាក់ផងដែរថា ព្រឹត្តិការណ៍ការប្រណាំងទូកកាយ៉ាកនេះនឹងប្រារព្ធធ្វើឡើងរយៈពេល២ថ្ងៃពេញ ចាប់ពីថ្ងៃទី១១ ដល់ថ្ងៃទី១២ ខែឧសភា ឆ្នាំ២០២៤ នៅដងព្រែកកំពង់បាយជាមួយនឹងរង្វាន់គិតជាទឹកប្រាក់សរុបចំនួន ២,៤៥០ដុល្លារ។ ការប្រកួតចែកចេញជាបីវិញ្ញាសារួមមានការប្រណាំងទូកកាយ៉ាកចម្ងាយ៥០០ម៉ែត្រ ២០០០ម៉ែត្រ និង៥០០០ម៉ែត្រ។ បេក្ខជនដែលមានបំណងចូលរួមប្រកួតត្រូវចុះឈ្មោះអោយបានមុនថ្ងៃទី០៨ ខែឧសភា​ ឆ្នាំ២០២៤។ 

អាស្រ័យដូចបានជម្រាបជូនខាងលើ សូមភ្ញៀវជាតិ និងភ្ញៀវអន្តរជាតិ ព្រមទាំងសាធារណៈជនអញ្ជើញចូលរួមទស្សនាអោយបានច្រើនកុះករដើម្បីរួមចំណែកលើកស្ទួយវិស័យកីឡានៅខេត្តកំពតទាំងអស់គ្នា៕

រៀបចំដោយ៖ Amber Kampot

ចុះឈ្មោះតាម Telegram៖ T.me/amberkampot_reservation

តាមដានការផ្សព្វផ្សាយពីការប្រកួតតាម Facebook page៖ Visit Kampot