ប្រហិតសាលាកំពតក្រុង

អំពី

ទំនាក់ទំនង

ចំណុចសំខាន់

រូបភាព

22/07/2023

អ្នកណាខ្លះធ្លាប់ញុំាប្រហិតសាលាកំពតក្រុង? រសជាតិម៉េចដែរ? ជឿថាអ្នកនៅក្រុងកំពតគឺពិតជាស្គាល់រសជាតិប្រហិតនេះហើយ ជាពិសេសពេញនិយមសម្រាប់សិស្សានុសិស្សតែម្តង!

ប្រហិតសាលាកំពតក្រុង ជាអាហារសម្រន់ដ៏ពេញនិយមមួយកន្លែង ដែលមានលក់ប្រហិតជាច្រើនប្រភេទ ច្រើនរសជាតិ ដោតជាចង្កាក់ៗសម្រាប់យើងជ្រើសរើស មានតម្លៃ ៥០០៛ និង ១០០០៛។

សម្រាប់ទឹកជ្រលក់វិញមានតែមួយមុខទេ តែរសជាតិឆ្ងាញ់ ស្រោចពីលើប្រហិត និងបន្លែត្រកួន ត្រសក់ ជ្រក់ល្ហុង លាយចូលគ្នា ឆ្ងាញ់ជាប់មាត់។ បើយើងចង់ថែមនំប័ុងទៀតក៏បានដែរ តាមចំណូលចិត្ត។

ប្រហិតនេះលក់ជាលក្ខណៈតាមរទេះ បែបអាហារតាមផ្លូវ (Street Food)។ អ្នកទាំងអស់គ្នាអាចទៅរកទិញនៅមុខវិទ្យាល័យមិត្តភាព កម្ពុជា-ជប៉ុន កំពតក្រុង ជិតរង្វង់មូល ៨មីនា ក្នុងសង្កាត់កំពង់កណ្តាល ក្រុងកំពត ខេត្តកំពត បើកលក់ជារៀងរាល់ថ្ងៃ ចាប់ពីម៉ោង 2:30 រសៀលដល់ម៉ោង 6 ល្ងាច។